ഓര്മ്മകളില് വാറ്റിയ ഒരു കുടം ലഹരി
അതില്
അവള് തന്ന ചന്ദനംക്കുറി ചേര്ത്ത ചുംബനം
അമ്മയുടെ മാറില് കവിള് ചേര്ത്തയന്നറിഞ്ഞ ചൂട്
അച്ഛന് ചൂണ്ടിക്കാട്ടിയ
ചോരപ്പൂക്കള് പൂത്തു നില്ക്കുന്ന
വാകമര ചോട്ടിലെ തണല്
ആവേശത്താല് മുഷ്ടിചുരുട്ടിയുയര്ത്തിയ
അനിയന്റെ വെട്ടേറ്റ കാലിലെ ചോരത്തുള്ളികള്
പെങ്ങടെ കെട്ട്താലിയില് നിന്നറ്റ് പോയ
കണ്ണികളില് നിന്നിറ്റു വീണ കണ്ണീര്
ലഹരിയേറിയാല് തികട്ടി തള്ളുമെന്നോതിയ പെണ്ണേ
നീയറിഞ്ഞീലയെത്ര നുകര്ന്നാലും മതിവരാത്തോരീയുന്മാദം
No comments:
Post a Comment